Raporti Botëror i Migracionit 2026 nga IOM tregon se Maqedonia është ndër vendet më të prekura nga kriza demografike në Evropë, për shkak të shkallës së ulët të lindshmërisë dhe emigrimit të popullsisë në moshë riprodhuese. Kjo situatë po redukton ndjeshëm potencialin demografik të vendit dhe rrezikon të thellohet në dekadat e ardhshme nëse nuk ndërmerren masa efektive. Ndërsa disa vende evropiane si Luksemburgu dhe Irlanda shënojnë rritje të popullsisë, Maqedonia dhe shumë shtete të tjera në Evropën Lindore dhe Ballkan po përjetojnë një rënie të ndjeshme. Ekspertët paralajmërojnë se pa politika të qëndrueshme për të nxitur fertilitetin dhe për të frenuar emigrimin e të rinjve, tendencat negative do të vazhdojnë.