Maqedonia ka prezantuar një projektligj të ri që synon të rregullojë mbrojtjen dhe mirëqenien e kafshëve shtëpiake duke vendosur masa të rrepta. Ndryshimet përfshijnë gjoba deri në 5,000 euro për keqtrajtimin e kafshëve, ndalimin e mbarështimit të tyre dhe detyrimin për sterilizim. Ligji ndalon gjithashtu mbajtjen e kafshëve të lidhura me zinxhir përgjithmonë, si dhe praktikën e trullosjes, therjes apo vrasjes së kafshëve për qëllime rituale. Për më tepër, mbarështuesit duhet të regjistrojnë çdo pjellje te veterineri dhe nuk do të lejohet më shumë se një pjellje në vit për një mace ose qen, me qëllim uljen e numrit të kafshëve të pastrehë.