Sot u zhvillua një Marsh Përkujtimor ku morën pjesë qindra qytetarë, veteranë, invalidë të luftës dhe familjarë të dëshmorëve, për të nderuar Brigadën 121 “Kumanova” dhe të gjithë dëshmorët e kombit. Marshimi nisi nga Bajraku i Luzhnicës, vendi ku ra Komandant Kumanova, dhe vazhdoi drejt Memorialit të Dëshmorëve në Kleçkë dhe Shkronjave të UÇK-së. Në këtë aktivitet u dhurua edhe gjak si shenjë solidariteti dhe respekti ndaj sakrificës së dëshmorëve. Organizatorët falënderuan të gjithë pjesëmarrësit dhe kontribuesit, duke theksuar rëndësinë e kujtesës dhe bashkimit në nderim të heronjve të kombit.