Komisionerja evropiane për zgjerimin, Marta Kos, deklaroi se Shqipëria mund të bëhet pjesë e Bashkimit Evropian edhe para vitit 2030, nëse vazhdon të përmbushë kriteret dhe të avancojë me reformat e nevojshme. Ajo vlerësoi progresin e Shqipërisë dhe Malit të Zi, duke theksuar se Mali i Zi mund të anëtarësohet i pari nga vendet e Ballkanit Perëndimor. Kos u shpreh kundër idesë së një “anëtarësimi të lehtësuar” apo “light”, siç propozuan presidenti serb Aleksandar Vuçiç dhe kryeministri shqiptar Edi Rama, duke nënvizuar se anëtarësimi në BE është i plotë ose nuk është fare. Sipas saj, procesi i zgjerimit duhet të mbështetet në përmbushjen e plotë të reformave dhe kritereve, dhe roli i Komisionit Evropian është të ndihmojë vendet kandidate drejt anëtarësimit të plotë.