Para seancës plenare në Parlamentin e Shqipërisë, ku do të votohet kërkesa e SPAK-ut për heqjen e imunitetit të deputetes Belinda Balluku, policia ka marrë masa të shtuara sigurie. Forca të shumta policie dhe barriera metalike janë vendosur rreth godinës së Kuvendit për të garantuar rendin dhe sigurinë gjatë protestës së paralajmëruar nga opozita, e cila do të zhvillohet në të njëjtën kohë me votimin. Partia Demokratike ka njoftuar se do të protestojë si jashtë ashtu edhe brenda sallës së seancave, duke detyruar institucionet të forcojnë masat e sigurisë. Ligjvënësit socialistë pritet të mbërrijnë më herët për të shmangur përplasjet me protestuesit, ndërsa brenda Kuvendit pritet një përplasje e fortë politike mes mazhorancës dhe opozitës.