Afati i gushtit për maturën shtetërore fillon më 12 gusht dhe do të vazhdojë më 14 gusht, duke përfshirë provimet në matematikë ose anglisht dhe më pas në gjuhën amtare dhe letërsi. Provimet do të zhvillohen në katër qytete të Maqedonisë së Veriut: Shkup, Tetovë, Prilep dhe Shtip, në tetë lokacione të ndryshme. Në këtë afat janë regjistruar gjithsej 1.460 maturantë, përfshirë edhe 226 nxënës që kishin provimin e anuluar në qershor për shkak të kopjimit. Nota mesatare e maturës në qershor ishte 3,66 për maturën profesionale dhe 3,62 për atë shtetërore.