Në një periudhë prej 12 orësh, mbi 20 mijë qytetarë të Maqedonisë kanë kaluar kufirin për të kaluar festën e Bajramit dhe fundjavën e zgjatur jashtë vendit. Nga vendkalimi kufitar Bllacë janë larguar 3040 shtetas të Maqedonisë dhe 4430 shtetas të huaj, ndërsa në të njëjtën kohë në vend kanë hyrë 1979 shtetas të Maqedonisë dhe 6339 të huaj. Në vendkalimin Bogorodicë, 7954 qytetarë maqedonas janë larguar dhe 1224 kanë hyrë, ndërsa shtetasit e huaj që kanë hyrë janë 3098 dhe ata që janë larguar 2708. Në drejtim të Shqipërisë, janë larguar 607 shtetas të Maqedonisë dhe 1844 të huaj, ndërsa në vend kanë hyrë 484 maqedonas dhe 1955 të huaj. Ministria e Punëve të Brendshme ka vënë në funksion të gjitha kapacitetet njerëzore dhe teknike për të përshpejtuar fluksin e pasagjerëve, duke theksuar se kjo është një praktikë e zakonshme për fundjavat e zgjatura.