Sot në Shqipëri, 26.600 maturantë zhvillojnë provimin e fundit të Maturës Shtetërore 2026, atë me zgjedhje, i cili nis në orën 10:00 dhe zgjat 2 orë e 30 minuta. Procesi zhvillohet në 144 qendra provimi në të gjithë vendin, ku angazhohen 2.087 mësues administratorë dhe 170 monitorues, ndërsa 650 vlerësues do të korrigjojnë testet. Autoritetet e arsimit kanë bërë thirrje për respektimin rigoroz të rregullave, duke kërkuar që maturantët të jenë në shkollë në orën 08:30, të kenë me vete kartën e identitetit dhe të vishen sipas rregullores, duke përfshirë uniformën. Përdorimi i telefonave celularë dhe orëve inteligjente është i ndaluar, ndërsa maturantët duhet të tregojnë sjellje korrekte dhe përqendrim maksimal gjatë provimit.