Në vetëm dy vite, përmes Ministrisë së Mjedisit Jetësor dhe Planifikimit Hapësinor, janë nisur mbi 300 projekte infrastrukturore në të gjithë vendin, duke përfshirë ujësjellës, kanalizime dhe stacione pastrimi që ndikojnë drejtpërdrejt në jetën e qindra mijëra qytetarëve. Një sistem rajonal për menaxhimin e mbetjeve po vendoset për të luftuar deponitë e egra dhe problemet mjedisore që kanë zgjatur dekada. Projekti i autostradës Shkup–Bllacë, i financuar me rreth 200 milionë euro, po kalon nga premtimi në realizim pas shumë viteve pritjeje. Në kufirin me Kosovën, sistemi "One Stop Shop" ka ulur ndjeshëm pritjet dhe ka rritur numrin e udhëtarëve me 45%, ndërsa ky model do të zgjerohet së shpejti edhe në kufirin me Shqipërinë.