Ka nisur mbyllja e vendkalimit ilegal pranë urës në Bit Pazar të Shkupit, me praninë e forcave të shumta policore në vendin e ngjarjes. Qytetarë të ndryshëm janë shprehur të revoltuar dhe kërkojnë që ky vendkalim të vazhdojë të funksionojë, duke kundërshtuar vendimin e autoriteteve. Kryetari i Bashkisë së Shkupit, Orce Gjorgjievski, kishte paralajmëruar më parë mbylljen e këtij vendkalimi, pavarësisht kërkesave të banorëve. Mbyllja vjen pas disa aksidenteve të shumta dhe të paktën tre viktimave që kanë ndodhur në këtë zonë, ndërsa mbetet e paqartë nëse ura do të qëndrojë e hapur për kalimtarët apo do të mbyllet gjithashtu.