Korporata Energjetike e Kosovës ka njoftuar mbylljen e aksit rrugor Mirash-Bardh për disa ditë, duke filluar nga e hëna, për shkak të punimeve të asfaltimit. Kjo rrugë, me gjatësi rreth 6.3 kilometra, është një investim strategjik që do të përmirësojë infrastrukturën dhe sigurinë në komunikacion, duke lehtësuar operimet e KEK-ut dhe jetën e komunitetit përreth. Gjatë periudhës së mbylljes, qarkullimi do të ndalohet në të dy drejtimet për të gjitha automjetet, përfshirë edhe autobusët e transportit të punëtorëve, ndërsa qytetarët inkurajohen të përdorin rrugë alternative për të shmangur vonesat. KEK-u premton të njoftojë opinionin publik sapo të krijohen kushtet për rikthimin e trafikut në këtë aks rrugor.