Më 9 korrik 2026, segmenti rrugor Brezovicë–Prevallë do të mbyllet përkohësisht nga ora 08:00 deri në 18:00 për shkak të punimeve të asfaltimit në rrugën rajonale R115 Fushë e Pajtimit–Prevallë. Kjo ndërhyrje bëhet në kuadër të projektit të mirëmbajtjes verore dhe dimërore të rrugëve nacionale dhe rajonale të Kosovës për tre vjet, me qëllim garantimin e sigurisë së pjesëmarrësve në trafik dhe punëtorëve në terren, si dhe për të siguruar cilësinë e shtresës së asfaltit. Gjatë kësaj periudhe do të asfaltohet një segment rrugor me gjatësi prej 1,050 metrash. Autoritetet kanë bërë apel që qytetarët të përdorin rrugë alternative për të shmangur pengesat në qarkullim gjatë kohës së mbylljes.