Sot, më 5 qershor 2026, në kuadër të Garës Ndërkombëtare të Çiklizmit, do të ketë mbyllje të përkohshme të një korsie të autostradës “Arbën Xhaferi”. Mbyllja do të ndodhë në segmentin nga hyrja/dalja në Lipjan deri në hyrjen-daljen në Bibaj, në drejtim të Hanit të Elezit, nga ora 13:00 deri në përfundim të garës në ora 17:00. Automjetet që udhëtojnë drejt Hanit të Elezit do të detyrohen të dalin në hyrje-daljen Lipjan dhe të vazhdojnë rrugën përmes rrugës nacionale Prishtinë – Hani i Elezit. Ministria e Infrastrukturës dhe Transportit kërkon mirëkuptimin e qytetarëve dhe rekomandon respektimin e sinjalizimit dhe udhëzimeve të Policisë së Kosovës gjatë kësaj periudhe.