Instituti për Studime të Luftës Hibride “Octopus” dhe Instituti Shqiptar për Studime Ndërkombëtare (AIIS) kanë nënshkruar një memorandum bashkëpunimi në Tiranë, duke synuar forcimin e bashkëpunimit në projekte kërkimore dhe aktivitete me interes të përbashkët në fushën e sigurisë. Drejtori i “Octopus”, Arben Fetoshi, theksoi se fokus do të jetë në luftën kundër dezinformimit gjeopolitik, operacioneve të ndikimit dhe narrativave strategjike. Marrëveshja synon krijimin e një platforme dialogu rajonal dhe rritjen e qëndrueshmërisë ndaj kërcënimeve hibride. Fetoshi falënderoi për mbështetjen profesorët Arian Starova dhe Albert Rakipi, si dhe drejtoreshën e AIIS, Alba Çela, për bashkëpunimin e tyre.