Një numër i madh mërgimtarësh nga Kosova kanë mbetur të bllokuar mbi 9 orë në kufirin ndërmjet Serbisë dhe Kroacisë, duke pritur tërë natën për të vazhduar udhëtimin e tyre. Kolonat e automjeteve janë shumë të gjata dhe pritjet po zgjaten me orë të tëra, ndërsa në vendin ku ndodhen nuk ka mundësi furnizimi me ujë dhe ushqime. Një prej udhëtarëve ka bërë apel për ndërhyrje nga autoritetet e Kosovës për të gjetur një zgjidhje të shpejtë të kësaj situate të vështirë. Video nga vendi i ngjarjes tregon gjendjen e rënduar dhe kolonat e gjata drejt kufirit me Kroacinë.