Në Zveçan, një komunë në veri të Kosovës, janë shfaqur mesazhe dhe murale që glorifikojnë Ratko Mladiqin, ish-komandantin e Ushtrisë së Republikës Srpska dhe të dënuarin për gjenocid dhe krime lufte. Fotografi të shpërndara në kanale serbe në Telegram tregojnë portrete të Mladiqit me mbishkrime si “Zveçani përjetësisht mirënjohës” dhe “Gjeneral”, duke i dërguar mesazhe që nxisin përkrahje për figurën e tij dhe duke iu drejtuar terroristëve të vrarë në Banjskë.