Gjatë vizitës së presidentit ukrainas Volodymyr Zelensky në Serbi, tifozët e skuadrës serbe “Cërvena Zvezda” shfaqën një banderolë me një mesazh të drejtuar kreut të shtetit serb, Aleksandar Vuçiq. Ata e quajtën Zelenskyn “nazist” dhe theksuan se serbët në Kosovë po derdhin gjak, duke i bërë thirrje indirekte Vuçiqit për veprim. Në stadiumin “Maracana” pati edhe flamuj rusë dhe këngë ruse, ndërsa brohoritej lidhja mes serbëve dhe rusëve si “vëllezër përgjithmonë”. Në konferencën për media, Zelensky u pyet për njohjen e pavarësisë së Kosovës, por ai konfirmoi se qëndrimi i Ukrainës për këtë çështje mbetet i pandryshuar.