Ministrja e Arsimit në Maqedoninë e Veriut, Vesna Janevska, ka njoftuar se nga tani e tutje mësuesit do të jenë në detyrë në korridoret dhe oborret e shkollave gjatë pushimeve të gjata dhe të shkurtra, duke zëvendësuar rolin që më parë e kishin nxënësit në detyrë. Kjo masë synon të parandalojë incidentet dhe sjelljet e papërshtatshme të nxënësve në ambientet shkollore. Ministria e Arsimit dhe Shkencës ka dërguar udhëzime të qarta për të gjitha shkollat dhe bashkitë për rikthimin e kësaj praktike të mëparshme. Janevska thekson se për të luftuar më efektivisht dhunën mes nxënësve, është e domosdoshme bashkëpunimi i të gjithë aktorëve shoqërorë, veçanërisht familjeve dhe prindërve.