Kryeministri i RMV-së, Hristijan Mickoski, deklaroi se ekziston mundësia që Maqedonia të anëtarësohet në Bashkimin Evropian në vitin 2027, por fillimisht pa të drejtë vote. Ky skenar është pjesë e një plani më të gjerë të paqes për Ukrainën, ku integrimi i Ukrainës dhe vendeve të Ballkanit Perëndimor do të ndodhë në mënyrë të shpejtë dhe të koordinuar. Mickoski theksoi se kushtet kryesore për këtë integrim janë politika e përbashkët e jashtme dhe e sigurisë, si dhe sundimi i ligjit, duke përfshirë edhe ndryshime kushtetuese të pranuara më parë. Ai gjithashtu njoftoi se qeveria do të punojë për të zhbllokuar procesin e integrimit evropian, duke mos pranuar presione, dhe se argumentet e Maqedonisë po fuqizohen në arenën ndërkombëtare.