Fluksi i lëvizjeve në pikën kufitare të Morinës është rritur ndjeshëm këtë fundjavë, me mbi 10,874 qytetarë nga Kosova që kanë hyrë në Shqipëri për të kaluar pushimet verore. Kjo pikë kufitare mbetet porta kryesore për udhëtarët që drejtohen drejt destinacioneve bregdetare si Durrësi, Shëngjini, Velipoja, Vlora dhe zonat turistike të jugut. Për të shmangur vonesat dhe radhët e gjata, autoritetet kufitare kanë zbatuar procedura të përshpejtuara për automjetet me targa të Kosovës dhe Shqipërisë. Ky numër i lartë i hyrjeve tregon interesin e madh të qytetarëve kosovarë për pushimet në Shqipëri, destinacionin e tyre më të preferuar turistik.