Ministri për Evropën dhe Punët e Jashtme, Ferit Hoxha, priti në Tiranë delegacionin e Komisionit për Punë të Jashtme të Parlamentit të Suedisë, të udhëhequr nga Morgan Johansson. Gjatë takimit u theksua mbështetja e vazhdueshme e Suedisë ndaj procesit të anëtarësimit të Shqipërisë në Bashkimin Evropian dhe kontributi i saj në zhvillimin demokratik dhe socio-ekonomik të vendit. Palët diskutuan progresin në negociatat e integrimit, duke vënë theksin te ruajtja e reformave dhe avancimi në sundimin e ligjit dhe qeverisjen e mirë. Ministri Hoxha nënvizoi gjithashtu rëndësinë e bashkëpunimit për sfidat rajonale dhe globale dhe shprehu gatishmërinë për thellimin e marrëdhënieve bilaterale dhe zgjerimin e partneritetit strategjik.