Drejtori ekzekutiv i Kosovo Center for Peace dhe imami i xhamisë “Bedri Kamberi” në Prishtinë, Labinot Maliqi, ka pritur të ngarkuarin me punë të Ambasadës së Japonisë në Kosovë, Hiroyasu Tanigaki, në një takim të ngrohtë dhe miqësor. Gjatë vizitës, flamujt e Kosovës dhe Japonisë u vendosën krah për krah si simbol i respektit dhe miqësisë së ndërsjellë ndërmjet dy vendeve. Maliqi shprehu mirënjohjen për mbështetjen e vazhdueshme të Japonisë ndaj Kosovës dhe i dhuroi Tanigakit plis dhe shaminë tradicionale shqiptare, që përfaqësojnë identitetin dhe trashëgiminë kulturore shqiptare. Ky takim thekson lidhjet e forta kulturore dhe diplomatike mes dy popujve, duke u shpresuar që miqësia të forcohet edhe më tej në të ardhmen.