Komuna e Mitrovicës ka ndërmarrë një aksion për lirimin e hapësirave publike në tri rrugë kryesore: “Hoxhë Kadri Prishtina”, “Xhevdet Ahmeti” dhe “Sabedin Prekazi”. Drejtoria e Inspekcionit ka ndërmarrë masa për largimin e pengesave dhe shfrytëzimeve të paautorizuara, me qëllim krijimin e kushteve më të mira për qarkullim dhe përdorim të lirë nga qytetarët. Drejtori i Inspekcionit, Mujë Igrishta, ka theksuar se respektimi i rregullave dhe lirimi i hapësirave do të jenë prioritet i vazhdueshëm i punës së inspektoratit. Ky aksion synon përmirësimin e ambientit urban dhe lehtësimin e lëvizjes në zonat e përfshira.