Kompania Rajonale e Mbeturinave “Uniteti” ka marrë masa të veçanta për të përballuar rritjen e numrit të vizitorëve dhe ardhjen e mërgatës në Mitrovicë gjatë sezonit veror. Për këtë qëllim, janë angazhuar ekipe shtesë që do të kujdesen për menaxhimin e mbeturinave dhe mirëmbajtjen e unazës së qytetit, duke garantuar pastërti dhe shërbime efikase për qytetarët dhe vizitorët. Ekipet operative punojnë vazhdimisht për të siguruar një ambient të pastër dhe të rregullt, ndërsa kompania falënderon qytetarët për bashkëpunimin dhe bën thirrje për përdorimin e pikave të dedikuara të grumbullimit të mbeturinave. Kjo nismë synon të ruajë pastërtinë dhe të përmirësojë cilësinë e jetesës në qytet gjatë periudhës së ngarkuar me aktivitete dhe vizita.