Komuna e Mitrovicës, përmes Drejtorisë së Mirëqenies Sociale, ka shpërndarë 200 pako ushqimore për familjet në nevojë, në bashkëpunim me shoqatën humanitare “Jetimat e Ballkanit” nën drejtimin e Halil Kastratit. Kjo iniciativë synon të mbështesë qytetarët më të prekur socialisht dhe t’u ofrojë ndihmë konkrete në përballimin e vështirësive ekonomike. Komuna ka shprehur falënderime për kontributin e vazhdueshëm të shoqatës dhe ka theksuar se bashkëpunimi institucional do të vazhdojë për të siguruar mbështetje të qëndrueshme për komunitetin. Ky veprim tregon angazhimin e institucioneve lokale dhe organizatave humanitare për të përmirësuar kushtet e jetesës së familjeve më të rrezikuara në Mitrovicë.