Ministri i Punëve të Jashtme dhe Tregtisë së Jashtme të Maqedonisë së Veriut, Timço Mucunski, zhvilloi një takim në Katar me zv.kryeministrin dhe Ministrin e Shtetit për Mbrojtjen, Sheikh Saud bin Abdulrahman bin Hassan bin Ali Al Thani. Gjatë bisedimeve u diskutuan mundësitë për thellimin e bashkëpunimit dypalësh në fushën e sigurisë dhe mbrojtjes, si dhe sfidat aktuale rajonale dhe ndërkombëtare në këtë sektor. Mucunski theksoi rëndësinë e rolit të Maqedonisë së Veriut si anëtare e NATO-s dhe vlerësoi partneritetin strategjik të Katarit me Aleancën. Takimi përforcoi angazhimin e përbashkët për ruajtjen e paqes, stabilitetit dhe sigurisë përmes dialogut dhe bashkëpunimit dypalësh dhe shumëpalësh.