Muxhahedinët kanë reaguar ndaj lajmeve të publikuara për një sulm të mundshëm me raketa iraniane ndaj Ashraf 3 në Shqipëri, duke i cilësuar ato si propagandë të orkestruar nga regjimi iranian. Sipas zëdhënësit Shahriar Kia, këto pretendime synojnë të krijojnë një luftë psikologjike dhe kaos në Shqipëri për të ndjekur interesat e regjimit. Ata theksojnë se nuk ka asnjë fakt që mbështet këto pretendime dhe se propaganda po zhvillohet në koordinim me agjentë lokalë në Shqipëri për të përhapur lajmin. Muxhahedinët gjithashtu nënvizojnë se raketat iraniane nuk kanë kapacitet teknik për të arritur në territorin shqiptar.