Komanda e Forcave të Përbashkëta Aleate në Napoli njoftoi përmbylljen me sukses të stërvitjes ushtarake të përbashkët NATO-Serbi 2026, një ngjarje historike që përfshiu 600 trupa nga vende të ndryshme, të cilët u stërvitën në skenarë të ruajtjes së paqes dhe reagimit ndaj krizave. Stërvitja u zhvillua duke respektuar politikën e neutralitetit ushtarak të Serbisë dhe pasqyron bashkëpunimin praktik afatgjatë mes dy palëve. Ndihmës-Sekretari i Përgjithshëm i NATO-s për Çështje Politike dhe Politikë të Sigurisë, Ambasadori Kevin Hamilton, theksoi se kjo stërvitje është një demonstrim i qartë i përparimit të marrëdhënieve dhe dialogut politik midis NATO-s dhe Serbisë. Ai gjithashtu shprehu gatishmërinë e NATO-s për të zhvilluar më tej këtë partneritet, duke respektuar neutralitetin ushtarak të Serbisë.