Nga sot fillon ndalimi i plotë i lëvizjes në zonat pyjore dhe tokat pyjore të Maqedonisë, një masë që do të zgjasë deri më 31 gusht. Ministria e Bujqësisë, Pylltarisë dhe Ekonomisë së Ujërave ka kërkuar nga bujqit dhe blegtorët që të tregohen shumë të kujdesshëm gjatë kësaj periudhe. Lëvizja në pyje do të lejohet vetëm me miratim me shkrim nga degët e "Pyjeve Kombëtare" që menaxhojnë zonat përkatëse. Ata që shkelin këtë ndalim do të përballen me gjoba të larta, që variojnë nga 1,500 deri në 2,000 euro në ekuivalent në denarë.