Nga nesër dhe deri më 31 gusht, në Maqedoninë e Veriut do të zbatohet ndalimi i lëvizjes së automjeteve të rënda mbi 15 ton gjatë fundjavave dhe periudhave me temperatura jashtëzakonisht të larta. Kufizimet do të vlejnë të premteve pasdite, si dhe të shtunave dhe të dielave, me qëllim uljen e ngarkesës së trafikut dhe rritjen e sigurisë rrugore gjatë verës. Gjatë valëve të të nxehtit, ndalimi mund të aplikohet edhe nga e hëna në të enjte, në orët më të nxehta të ditës, nga ora 11:00 deri në 17:00. Përjashtim bëjnë automjetet që transportojnë mallra thelbësore si ushqim, naftë, kafshë dhe ndihma humanitare, në mënyrë që të mos ndërpritet furnizimi i nevojshëm.