Komuna e Prishtinës ka njoftuar ndalimin e qarkullimit të të gjitha automjeteve në drejtim të Parkut “Gërmia” më 1 Maj 2026, në kuadër të Ditës Ndërkombëtare të Punës. Përjashtim bëjnë vetëm autobusët e linjës 4 të NPL “Trafiku Urban”, automjetet e Policisë së Kosovës, KFOR-it, EULEX-it, NPL “Gjelbër”, KRM “Pastrimi”, automjetet emergjente dhe ato të inspektoratit. Linja S22 do të vazhdojë të funksionojë normalisht sipas itinerarit dhe orarit të rregullt. Ky masë synon të sigurojë një ambient të qetë dhe të sigurt për vizitorët, pasi Parku i Gërmisë është një destinacion tradicional për qytetarët që zgjedhin të kalojnë ditën në natyrë gjatë 1 Majit.