Kryeministri i Malit të Zi, Milojko Spaji, ka deklaruar se ndërhyrja e Aleksandar Vuçiqit nuk është një problem lokal, por një çështje me ndikim rajonal, duke e cilësuar Vuçiqin si "PR-i i Rusisë". Ai theksoi se Mali i Zi dëshiron marrëdhënie të mira fqinjësore dhe një politikë evropiane të qartë, të cilën sipas tij Vuçiq nuk e kupton dhe e kritikon për qëndrimin ndaj Rusisë. Kryetari i LSDM-së, Venko Filipçe, përkrahu këtë qëndrim duke theksuar se modeli i ndërhyrjes së Vuçiqit po zbatohet edhe në Maqedoni përmes OBRM-PDUKM-së dhe Mickoskit, duke përmbushur agjenda që janë në kundërshtim me vlerat evropiane. Ai paralajmëroi qytetarët që të jenë të vetëdijshëm për këtë ndikim rajonal dhe përpjekjet për ta mbajtur rajonin në një zonë gri midis Evropës dhe Rusisë.