Parlamenti Evropian ka nxjerrë në pah rreziqet serioze të ndërhyrjes së huaj në Maqedoni, duke theksuar ndikimet e Rusisë, Serbisë dhe Kinës që kërcënojnë orientimin evropian të vendit. Raporti paralajmëron për përpjekjet e Rusisë për ndikim, ndikimin ekonomik dhe politik të Kinës, si dhe lidhjet në rritje me Serbinë, e cila ndjek një axhendë joliberale në rajon. Eurodeputetët shprehin shqetësim për narrativat rajonale dhe ndikimin e "botës serbe" që kundërshton integrimin evropian të Maqedonisë. Nga ana tjetër, LSDM thekson se qeveria aktuale dhe VMRO-ja po përqafojnë retorikën dhe politikat anti-evropiane të Vuçiqit, duke bllokuar perspektivën evropiane të qytetarëve dhe duke rritur kështu rrezikun e ndërhyrjeve të huaja.