Kryeministri Hristijan Mickoski dhe zëvendëskryeministri Aleksandar Nikolloski inspektuan punimet në pjesën perëndimore të Korridorit 8, ku po ndërtohet autostrada Tetovë-Gostivar-Bukojçani. Punimet po zhvillohen me dinamikë të mirë dhe sfidat teknike po zgjidhen me koordinim mes institucioneve, ndërsa Qeveria ka siguruar një front të hapur pune për kompanitë ndërtuese. Megjithatë, për shkak të vonesave të shkaktuara nga qeveria e kaluar, afati për përfundimin e projektit është shtyrë deri në dhjetor të vitit 2029, me mundësinë që ndërtimi të përfundojë edhe më herët. Ky projekt ka rëndësi të madhe për zhvillimin ekonomik dhe lidhjen infrastrukturore të rajonit, duke përfshirë edhe komunat përgjatë trasesë së autostradës.