Kompania Rajonale e Ujësjellësit "Bifurkacioni" ka njoftuar nisjen e punimeve për zëvendësimin e gypit të vjetër në rrugën "Lyboteni". Për shkak të këtyre punimeve, gjatë ditës së sotme banorët e kësaj zone mund të përballen me ndërprerje të përkohshme të furnizimit me ujë. Investimi ka si qëllim përmirësimin e cilësisë së ujit, rritjen e sigurisë së rrjetit dhe garantimin e vazhdimësisë së furnizimit me ujë të pijshëm. Kompania ka kërkuar mirëkuptimin dhe bashkëpunimin e qytetarëve gjatë realizimit të punimeve.