Komuna e Prishtinës ka njoftuar se nga data 4 gusht do të ndryshojë regjimi i qarkullimit në rrugën “Tirana”, në lagjen Lakërishtë. Sipas këtij ndryshimi, lëvizja nga rruga “Dritan Hoxha” drejt rrethrrotullimit të Lakërishtës do të jetë me një kah, ndërsa nga rrethrrotullimi drejt rrugës “Dritan Hoxha” do të ketë dy shirita për qarkullim. Komuna ka publikuar edhe një video që tregon organizimin e ri të trafikut dhe ka bërë thirrje për respektimin e sinjalizimit të ri për të siguruar një qarkullim më të rregullt dhe të sigurt. Ky ndryshim synon përmirësimin e rrjedhshmërisë së trafikut në këtë zonë dhe parandalimin e ngërçeve.