Kryeministri Hristijan Mickoski theksoi se Maqedonia e Veriut është e gatshme për negociata me Bashkimin Evropian, por nuk do të hyjë në një aventurë politike pa garanci të qarta. Ai nënvizoi se nuk do të mbështesë ndryshime kushtetuese pa siguri që nuk do të ketë kushte të reja nga pala bullgare në të ardhmen. Mickoski kritikoi ata që, sipas tij, minojnë qëndrimet e Qeverisë nga brenda dhe theksoi nevojën për ndërtimin e besimit të ndërsjellë midis palëve. Vizita e Presidentit të Këshillit Evropian, Antonio Costa, pritet të jetë një moment kyç për rifillimin e bisedimeve dhe për të përcaktuar hapat e ardhshëm në këtë proces.