Nëntoger Kushtrim Derguti ka përfunduar me sukses Akademinë Mbretërore Ushtarake Sandhurst në Mbretërinë e Bashkuar, një nga institucionet më prestigjioze të arsimit ushtarak në botë. Forca e Sigurisë së Kosovës e ka vlerësuar këtë arritje si një hap të rëndësishëm në rrugën e profesionalizimit dhe zhvillimit të kuadrove të saj ushtarake. Gjatë studimeve, Derguti ka përballuar sfida të shumta, duke forcuar aftësitë profesionale, lidershipin dhe disiplinën e tij. Ky diplomim shënon fillimin e një përgjegjësie më të madhe në shërbim të vendit dhe paqes ndërkombëtare, sipas FSK-së.