Në New York po përgatitet një nga ngjarjet më të mëdha të komunitetit shqiptar në Shtetet e Bashkuara, Parada Shqiptare, ku do të marrin pjesë qindra shoqata dhe mijëra shqiptarë nga të gjitha trojet shqiptare. Organizuar nga Albanian Roots, kjo paradë përfaqëson një festë të madhe kuq e zi, duke promovuar kulturën, traditat dhe identitetin kombëtar shqiptar në zemër të qytetit amerikan. Pjesëmarrësit do të marshojnë me flamuj, veshje tradicionale dhe muzikë folklorike, duke shndërruar bulevardet e New Yorkut në një manifestim të fuqishëm të trashëgimisë shqiptare. Ngjarja ka fituar rëndësi jo vetëm për diasporën, por edhe për komunitetin më të gjerë, duke forcuar lidhjet mes shqiptarëve dhe duke promovuar unitetin e tyre në SHBA.