Ka nisur aksioni njëmujor për pastrimin e ambientit në Komunën e Malishevës me moton “Për Malishevën e pastër”. Ky aksion u hap simbolikisht nga kryetari i komunës, Ekrem Kastrati, i cili theksoi rëndësinë e ngritjes së vetëdijes për ruajtjen e ambientit dhe shpalli muajin prill si muaj i pastrimit të ambientit. Për realizimin e këtij qëllimi është formuar një task-forcë e posaçme, e drejtuar nga nënkryetari Vesel Krasniqi, që përfshin të gjitha institucionet përgjegjëse në nivel lokal. Gjatë aksionit është nisur largimi i një deponie ilegale të mbeturinave inerte në rrugën Banjë-Senik, ku është vendosur edhe tabela që ndalon hedhjen e mbeturinave, ndërsa bizneset lokale kanë ofruar mbështetje me makineri për pastrimin.