Ministri në detyrë i Infrastrukturës dhe Transportit, Dimal Basha, ka njoftuar nisjen e asfaltimit të një pjese të magjistrales në Ferizaj. Punimet filluan në segmentin nga Ura e Vogël, pranë Mobilerisë “Migros”, deri te restoranti “Ballkani”, dhe po ndiqen nga afër nga vetë ministri. Sipas Bashës, ky segment pritet të përfundojë me të dyja shtresat e asfaltit dhe të hapet për qarkullim më 5 shtator 2026. Pas përfundimit të këtij segmenti, punimet do të vazhdojnë drejt rrugës “Vëllezërit Gërvalla” dhe më tej drejt Urës së Madhe, ku po punohet intensivisht dhe pritet finalizimi i shpejtë.