Zëvendëskryeministri Aleksandar Nikolloski ka njoftuar fillimin e punimeve për autostradën Shkup–Bllacë, një projekt kyç për lidhjen e Maqedonisë së Veriut me Kosovën dhe rajonin. Punimet do të kryhen nga një konzorcium i udhëhequr nga kompania vendore “Granit”, që për herë të parë pas një kohe të gjatë merr rolin kryesor në një projekt të tillë madhor infrastrukturore. Projekti përfshin ndërtimin e 5 tuneleve, 2 galerive dhe 12 urave, duke përfshirë gjithsej rreth 40 objekte infrastrukturore, që do të përmirësojnë sigurinë në trafik dhe do të nxisin zhvillimin ekonomik, tregtinë dhe investimet në rajon. Në një takim me drejtorin e BERZH-it, Fatih Türkmenoğlu, u diskutua realizimi i këtij projekti strategjik, i cili pritet të sjellë përfitime të mëdha për lidhjen dhe bashkëpunimin rajonal.