Kryeministri maqedonas Hristjan Mickoski ka bërë të ditur nisjen e ndërtimit të autostradës Shkup-Bllacë, duke theksuar se ky projekt ishte premtim i dhënë në fillim të mandatit të tij. Ai shprehet i kënaqur që punimet po kryhen nga një kompani maqedonase, gjë që do të sjellë vlera të shtuar për ekonominë dhe do të krijojë vende të reja pune për qytetarët. Mickoski thekson rëndësinë e këtij projekti për të ardhmen e vendit dhe për brezat e rinj, duke e konsideruar autostradën si një investim në zhvillimin dhe stabilitetin e shtetit. Sipas tij, këto veprime do të ndihmojnë që të rinjtë të ndërtojnë jetën dhe familjet e tyre në atdheun e tyre.