Komuna e Gjilanit ka filluar punimet për ndërtimin dhe zgjerimin e njërës nga rrugët kryesore të fshatit Velekincë, që lidh rrugën Gjilan-Preshevë me atë Gjilan-Kumanovë. Në ceremoninë e nisjes së punimeve morën pjesë drejtori për Shërbime Publike, Kushtrim Ibrahimi, dhe këshilltari i Kuvendit Komunal, Fadil Ademi. Kryetari i Komunës, Alban Hyseni, theksoi se kjo rrugë ka qenë kërkesë e vazhdueshme e banorëve dhe se punimet po realizohen në kuadër të kontratës verore për mirëmbajtjen e rrugëve. Ai gjithashtu premtoi përkushtim të vazhdueshëm për përmirësimin e infrastrukturës në çdo lagje dhe fshat të Gjilanit.