Ministrja në detyrë e Mjedisit, Planifikimit Hapësinor dhe Infrastrukturës, Fitore Pacolli, ka njoftuar nisjen e projektit për rehabilitimin e zonave të degraduara në pellgun e lumit Drini i Bardhë, pas nënshkrimit të Memorandumit të Mirëkuptimit me CNVP-në. Ky projekt synon forcimin e menaxhimit të qëndrueshëm të pyjeve, mbrojtjen e burimeve natyrore dhe rikthimin e ekosistemeve të dëmtuara në mbi pesë hektarë tokë. Përmes mbjelljeve të reja dhe aktiviteteve të ripyllëzimit, do të mbrohet biodiversiteti dhe do të rritet ndërgjegjësimi i komunitetit për rëndësinë e mjedisit. Ministrja thekson se kjo iniciativë është një hap i rëndësishëm drejt zhvillimit të qëndrueshëm dhe një të ardhme më të gjelbër për Kosovën.