Ministri i Infrastrukturës dhe Transportit, Dimal Basha, ka njoftuar nisjen e punimeve për sanimin e trupit të dëmtuar të rrugës në fshatin Carralevë, në Komunën e Shtimes. Kontrata për realizimin e projektit është lidhur dhe punimet kanë filluar që nga dita e sotme, me qëllim adresimin e rrëshqitjes së trupit të rrugës në këtë segment. Ky intervenim pritet të rikthejë sigurinë dhe stabilitetin e plotë për qarkullimin në këtë pjesë të rrugës, e cila ka qenë e dëmtuar. Ministria e Infrastrukturës dhe Transportit thekson përkushtimin e saj për reagim të shpejtë ndaj problemeve në terren dhe për përmirësimin e vazhdueshëm të infrastrukturës rrugore në vend.