Sot është nisur grupi i fundit i haxhilerëve nga Maqedonia e Veriut për të kryer Haxhin në vendet e shenjta, duke përmbyllur kështu një proces ku marrin pjesë gjithsej 2020 besimtarë. Bashkësia Fetare Islame ka marrë të gjitha masat e nevojshme për organizimin e udhëtimit, duke siguruar mbështetje të plotë dhe përkujdesje për haxhilerët gjatë gjithë kohës së qëndrimit të tyre. Reisul Ulema i BFI-së, H. Hfz. Shaqir ef. Fetai, përcolli grupin e fundit dhe uroi besimtarët për një përjetim shpirtëror të lartë, shëndet të mirë dhe kthim të sigurt me Haxh të pranuar. Në krye të organizimit janë emra me përvojë si dr. Qenan ef. Ismaili dhe ekipi i tij, të cilët do të mbikëqyrin çdo aspekt të këtij udhëtimi të rëndësishëm fetar.