Nesër në Bruksel do të zhvillohet Konferenca e 9-të e Anëtarësimit midis Shqipërisë dhe Bashkimit Evropian, një takim ky i rëndësishëm në procesin e negociatave për anëtarësimin e vendit në BE. Në agjendë është parashikuar mbyllja e përkohshme e tre kapitujve negociues: Kapitulli 25 për Shkencën dhe Kërkimin, Kapitulli 26 për Arsimin dhe Kulturën, si dhe Kapitulli 30 për Marrëdhëniet me Jashtë. Pas përfundimit të konferencës pritet një konferencë për media ku do të prezantohen rezultatet dhe hapat e mëtejshëm në rrugën evropiane të Shqipërisë. Ky zhvillim konsiderohet një hap i rëndësishëm drejt integrimit në Bashkimin Evropian, ndërsa Shqipëria vijon përpjekjet për të përmbushur kriteret e BE-së.