Ambasadori i Suedisë në Kosovë, Jonas Westerlund, ka zbuluar projektin për krijimin e një klubi të ri golfi në Kosovë, një ide që e kishte menduar edhe para ardhjes së tij në vend. Ai vuri në dukje se në rajon nuk ekziston asnjë klub golfi, duke përfshirë Shqipërinë dhe Maqedoninë e Veriut, dhe kjo hap mundësi të reja për vendin. Ky klub nuk do të jetë vetëm për golf, por do të përfshijë edhe një hotel, pishinë, fushë tenisi dhe padeli, duke u bërë një qendër rekreative për familjet dhe komunitetin jashtë Prishtinës. Ambasadori theksoi gjithashtu se projekti nuk ka lidhje direkte me Lojërat Mesdhetare, por do të jetë një hap i rëndësishëm për zhvillimin e turizmit dhe aktiviteteve sportive në Kosovë.