Ish-kryeministri Ljubço Georgievski ka bërë një deklaratë të fortë duke thënë se pas 35 vitesh pavarësi, ai kuptohet më mirë me shqiptarët sesa me maqedonasit e “Botës Serbe”. Kjo deklaratë erdhi pas fjalëve të Arben Taravarit, lider i Aleancës për Shqiptarët, i cili e vlerëson lart Georgievskin si një figurë politike me njohuri të thella për historinë dhe zhvillimet në Maqedoni, si dhe për marrëdhëniet me Bullgarinë. Taravari thekson se ndonëse takimet e tyre kanë qenë të rralla, ai ndjek me interes analizat dhe qëndrimet e Georgievskit, duke u pajtuar shpesh me to. Gjithashtu, ai ka folur për rëndësinë e rolit të faktorit politik shqiptar në orientimin euroatlantik të Maqedonisë së Veriut, duke theksuar një ndryshim në raportet ndëretnike dhe politike në vend.